* قالت البنت يا بابا فيه شاب ابن ناس وما فيهوش ولا عيب عايز ييجي يخطبني ، والأب طبعاً وافق .
جه الشاب وقعد مع الأب وكان في فمه لبانه ، فقال له الأب أنت عجبتني أوى ومفيش فيك ولا عيب لكن هل دى مناسبة تمضغ فيها لبانه ؟ فرد وقال له بس يا عمي دى ضرورية بعد السيجارة ، قال له هو أنت بتدخن ؟ فرد وقال له علي خفيف مع كاس الويسكي ورد الأب ، وبتشرب كمان ؟ قال له أحياناً لما أكون بلعب قمار ، قال له وفين بتلعب القمار ؟ قال له في الكباريه ... ورد الأب وقال له ومن امتي أنت بتروح الكباريهات ؟ ؟ قال له من وقت ماطلعت من السجن !!! والأب قال له وليه دخلت السجن ؟ قال له أصل أنا ضربت واحد بالسكينة ومات ،
قال له وليه يا ابني موته ؟ فقال له لأني طلبت إيد بنته وموافقش فرد الأب وقال له علي بركة الله يللا نقرا الفاتحة !!!!!!!!!!!!
======================================
* اثنين مساطيل ، واحد بيسأل الثاني هو النهارده السبت وألا الحد فرد قال له الاثنين قال له ماشاء الله هما بقوا سوا ؟!!!!!!!!!!!!!
======================================
* واحده ست اشتركت في برنامج من سيربح المليون ، جوزها طلقها عشان اتصلت بصديق !!!!!!!!!!!!
=======================================
* واحد مسطول راح صيدلية يشترى جبنه وحاول الصيدلي يفهمه إن مفيش جبنه بتتباع في الصيدلية ، وشويه دخل الصيدلية مسطول ثاني ، فالصيدلي بيقول له فهم صاحبك إن مفيش جبنه بتتباع هنا ، قال له يا عم سيبك منه ده غبي ، اديني أنا بنص جنيه لانشون !!!!!!!!!!!!!!!!!!!!!!!!!!!!!!!!!!!!!!!!!!!!
=======================================
* واحد قال نكته قديمة طلع تراب من بقه !!!!!!!!!!!!!!!!!!!!!!!!!!!!!!!!!!
=======================================
* عربجي كارو دخل فرح قال رفصني يا جدع !!!!!!!!!!!!!!!!!!!!!!!!!!!!!!!
=======================================
* مرة واحد بتاع سمك ابنه مات وكان ماشي في الجنازة ويقول كان صاحي وبيلعب !!!!!!!!!!
=======================================
* واحد محشش سأل واحده اسمك إيه ؟ فردت وقالت أسماء ، فال لها يعني مفيش اسم محدد ؟؟؟ !!!!!!!!!!!
======================================
* اثنين مساطيل واقفين مستنيين الأوتوبيس ، فالأول بيسأل : هنعرف الأوتوبيس ازاى ؟ فالثاني قال له بسيطة ، اللي هيجي يقف هنا يبقي أتوبيس ، قال له طيب والكمساري هنعرفه ازاى ؟ قال له برضه بسيطة اللي هيحط ايده علي كتفك يبقي الكمساري ووقتها ندفع له الأجرة ، فلما جه الأوتوبيس وركبوا جه واحد وحط ايده عليهم فطلعوا له الأجرة وهما بيدوها له فقال لهم ، أنا مش الكمساري أنا ضابط بحرية فالمسطول قال لزميله الثاني : شوفت شورتك المنيلة أدينا ركبنا باخرة !!!!!!!!!!!!!!!!!
=======================================
موضوع: اضحك معانا 
الخميس 30 أبريل 2009, 1:25 pm
