مرة واحد اتخانق مع أبوه فساب له البيت ومشى ، أبوه قاله رايح فين ؟ مردش عليه وقام
موقف تاكسي وركب ، السواق قاله على فين قاله إذا كنت مقلتش لأبويا هقولك أنت ؟!!!
=======================================
واحد غبي واقف قدامه خمس شياطين .... واحد يوسوس له و أربعه يفهموه *
* صعيدي وأمريكي ، الأمريكي قال للصعيدي وصلتم فين بالتطور
الصعيدي رد وقال ياعم تطور إيه دا إحنا رجعنا لورا
ثم سأل الصعيدي الأمريكي انتوا وصلتوا فين بالتطور الأمريكي قاله إحنا وصلنا
بالتطور إذا القمر الصناعي عطل في السما نقدر نصلحه الصعيدي فكر شوية وقال
يااااااااااااااه هو المفك بتاعكم طوله أد إيه ؟ *
======================================
قال لها : يمكن أنا مش غني .. ولا عندي عربية ولا فيلا ولا مزرعة ولا شركه ولا
فلوس زى محسن صاحبي ولكني أعشقك وأحبك .. فضمته ودمعت عيناها وقالت : إن كنت
بتحبني بجد .....عرفني على محســـــن *
======================================
مره واحده بتقول لجوزها "تصدق إن أنا كل يوم بحلم بيوم جوازنا " قالها " هي لسه
الكوابيس دى بتجيلك ؟ *
=======================================
بلدياتنا و أمريكي و ياباني عرضوهم على جهاز كشف الكذب
الياباني : إحنا بنفكر نعمل إنسان آلي و نستغني عن البشر ، راح الجهاز صفر!
الأمريكي : إحنا بنفكر نطلع المريخ و نعمل مستوطنات عليه ، راح الجهاز صفر!
بلدياتنا : إحنا (بنفكر) ولسه مكملش ،،، راح الجهاز صفر !!!!!
=======================================
واحد عنده كتكوت مفترس ، كل ما يدخله قفص الفراخ يروح الكتكوت وأكلهم ، وفي قفص
القرود يأكلهم
، وفي قفص القطط يأكلهم ، راح راميه في الصحرا . صعب عليه الكتكوت وراح يشوفه
بعد تلات أيام
، لقي الكتكوت مرمي علي الأرض والنسور بتحوم حواليه ، الراجل قاله : يا حبيبي أنت
مت ؟ قام الكتكوت وقال له : يخرب بيتك بوظت الكمين *
=======================================
واحد غبي عينوه مدير ملجأ أيتام أول قرار أخده اجتماع لأولياء الأمور *
======================================
واحد صعيدي نزل محطة مصر لقي بتاع الأنابيب بيخبط عليها، قال له افتح لي واحدة ساقعة لو سمحت *
موضوع: اضحك معانا علي النكت دى 
الخميس 26 فبراير 2009, 7:33 am
